ظرافتلی دانیشاخ بیر سوزو               سوز اشیدن قضاوت ایلر اوزو

گور نجه میزدیر، بو ریاست میزی      آلادیر، آروات کیشی، اوغلان قیزی

اگلشیر هر کیمسه میزین دالینا         ایاقینین آلتینی گورمز گوزی

فعلینه تولکی باش اگر، بو میزین        گرچه آغاجدان دوزلیپدیر اوزی

هرکسی گوردوم چاقیرالار رئیس         بس که فراواندی ریاست میزی

مومن اودور بو میزه آلانمیا                 مومنه دشماندی ریاست میزی

یوخدو وفاسو بو میزین هچ کسه          نقطه ی پایان دی ریاست میزی

بو قورو عنوان دی ریاست میزی           مومنه زندان دی ریاست میزی